நீங்கள் தேடியது "மின் விளக்குகள்"

நாகர்கோவில் :

குமரி மாவட்டத்தில் பழமை வாய்ந்த விளை யாட்டு அரங்கங்களில் அண்ணா விளையாட்டு அரங்கமும் ஒன்றாகும். 50 ஆண்டுகள் பழமை வாய்ந்த இந்த விளையாட்டு அரங்கத்தை பராமரிக்க நட வடிக்கைகள் எடுக்கப்பட்டு வருகிறது.

அண்ணா விளையாட்டு அரங்கத்தில் 8 கேலரிகள் உள்ளன. மாவட்ட அள விலான கைப்பந்து போட்டி, கபடி போட்டி மற்றும் மின்னொளி விளை யாட்டுப் போட்டிகளும் நடத்தப்பட்டு வருகிறது. காலை, மாலை நேரங்களில் ஏராளமான பொதுமக்கள் வாக்கிங் செல்வதற்கும் இந்த மைதானத்தை பயன்படுத்தி வருகிறார்கள்.

ராணுவத்தில் சேர விரும்பும் ஏராளமான இளைஞர்கள், மாவட்டத் தின் பல்வேறு பகுதிகளில் இருந்து இங்கு வந்து ஓட்ட பயிற்சி உள்ளிட்ட பயிற்சி களை மேற்கொண்டு வருகி றார்கள். இந்த மைதானத்தில் உள்ள கட்டிடங்கள் மிக மோசமான நிலையில் உள்ளது. இதை பராமரிக்க வேண்டும் என்பது அனை வரின் கோரிக்கையாக இருந்து வருகிறது. இதை யடுத்து இந்த மைதானத்தை சீரமைக்க ஏற்கனவே விளையாட்டு துறை சார்பில் ரூ.38 லட்சம் நிதி ஒதுக்கீடு செய்யப்பட்டு கேலரிகள் பராமரிக் கப்பட்டது.

மேலும் இங்குள்ள அறைகள் உட்பட அனைத்தையும் பராமரிக்க ரூ.1கோடியே 40 லட்சத்தில் திட்ட மதிப்பீடு தயாரிக்கப் பட்டு அதற்கான நடவடிக்கைகள் எடுக்கப் பட்டு வருகிறது. இந்த நிலையில் 50 ஆண்டு கால பழமை வாய்ந்த இந்த மைதானத்தில் போதிய மின்விளக்கு வசதிகளும் இல்லாமல் இருந்து வந்தது. இரவு நேரங்களில் மாநில அளவிலான, மாவட்ட அளவிலான போட்டிகள் நடத்தப்படும் போது தற்காலிகமாக மின் விளக்குகள் அமைக்கப் படும்.

நிரந்தரமாக மின்விளக்கு அமைக்க முன்னாள் எம்.பி விஜயகுமார் அதற்கான நிதி ஒதுக்கீடு செய்தார். அவரது தொகுதி மேம்பாட்டு நிதியிலிருந்து ரூ.1 கோடி நிதி ஒதுக்கீடு செய்யப்பட்டது. இந்த நிலையில் தற்பொழுது 4 உயர் கோபுர மின் விளக்கு கள் அமைக்க டெண்டர் பிறப்பிக்கப்பட்டு உள்ளது. விளையாட்டரங்கத்தில் நான்கு புறங்களிலும் இந்த உயர் கோபுரம் மின் விளக்கு அமைக்க நட வடிக்கை எடுக்கப்பட்டு உள்ளது.

இந்த மின் விளக்குகள் அமைப்பதற்கு தேவையான உபகரணங்கள் ஏற்கனவே வெளியிடங்களில் இருந்து அண்ணா விளையாட்டு அரங்கத்தில் கொண்டு இறக்கி வைக்கப்பட்டு உள்ளது. விரைவில் அந்த பணியை தொடங்க நடவடிக்கை மேற்கொண்டு உள்ளனர்.

ஒரு வார காலத்திற்குள் இந்த பணியை முடிக்கவும் திட்டமிடப்பட்டுள்ளது. 4 உயர் கோபுர மின் விளக்கு கள் அமைக்கும் பொழுது இரவை பகலாக்கும் வகை யில் மின் விளக்குகள் அமையும். மாநில அள விலான மாவட்ட அளவி லான போட்டிகள் நடத்தப்ப டும் போது இது பய னுள்ளதாக இருக்கும் என்று விளையாட்டு வீரர்கள் கருதுகிறார்கள்.

மின்விளக்கு வசதி மட்டுமின்றி மற்ற அடிப்படை வசதிகளையும் மேம்படுத்த விரைவில் நடவடிக்கை எடுக்க வேண்டும் என்பது விளை யாட்டு அலுவலர்களின் கோரிக்கையாக இருந்து வருகிறது. அண்ணா விளை யாட்டு அரங்கத்தை ஒட்டி யுள்ள நீச்சல் குளம் கடந்த சில நாட்களாக போதிய பராமரிப்பு இன்றி காணப்பட்டது. தற்பொழுது சீரமைக்கப்பட்டு புதுப் பொலிவுடன் நீச்சல்குளம் காட்சியளிக்கிறது. நீச்சல் குளத்திற்கு வரும் பாதையும் சீரமைக்கப்பட்டு உள்ளது. இந்த நீச்சல் குளத்தில் 35-க்கும் மேற்பட்ட வீரர்கள் பயிற்சி பெற்று வருகி றார்கள்.

நாகர்கோவில் அண்ணா ஸ்டேடியம் பராமரிப்பு பணிகள் ஒருபுறம் இருக்க சட்டமன்ற தொகுதி வாரியாக சிறு விளையாட்டு மைதானங்களை அமைப்ப தற்கு தி.மு.க. அரசு நடவடிக்கை மேற்கொண்டு வருகிறது. குமரி மாவட் டத்தில் உள்ள 6 சட்டமன்ற தொகுதிகளிலும் மைதா னங்கள் அமைப்ப தற்கான இடம் தேர்வு செய்யும் பணி நடைபெற்று வருகிறது. ஏற்கனவே பத்மநாபபுரம் தொகுதியில் இடம் தேர்வு செய்யப்பட்டு அதற்கான பணிகள் நடைபெற்று வருகின்றன. 6 சட்டமன்ற தொகுதிகளிலும் மைதா னங்கள் அமைக்கப்படும் போது விளையாட்டு வீரர்களுக்கு மிகவும் பயனுள்ளதாக இருக்கும்.

திருப்பூர்:

திருப்பூர் மாநகராட்சி 32 வது வார்டுக்கு உட்பட கோல்டன்நகர் பகுதியில் பல இடங்களில் கடந்த சில நாட்களாக தெரு மின் விளக்குகள் சரியாக எரியாமல் இருள் சூழ்ந்து காணப்பட்டது. இதனால் பொதுமக்கள் மிகவும் அவதிக்கு உள்ளாகி வருகின்றனர் இதனை உடனடியாக சரி செய்ய வேண்டும் என்று திருப்பூர் கோல்டன் நகர் சமூக ஆர்வலரும், திருப்பூர் மாநகர் மாவட்ட சிறுபான்மைத் துறை செயல் தலைவருமான எஸ்.எம். முன்னா பொதுமக்கள் சார்பில் கோரிக்கை விடுத்து இருந்தார். மேலும் மாலை மலர் பத்திரிகையில் படத்துடன் செய்தி பிரசுரம் செய்யப்பட்டது. பின்னர் இதுகுறித்து மாநகராட்சி அதிகாரிகள் கவனத்திற்கு கொண்டு செல்லவே, கோல்டன் நகர் உள்ளே நுழையும் பள்ளியின் முக்குப்பகுதி, சூர்யா காலனி 9- வது வீதியில் இரண்டு இடம், சூர்யா காலனி 2-வது வீதி இரண்டு இடம் மற்றும் அருவி பர்னிச்சர் கடை பகுதி. மேலும் கோல்டன்நகர் பாலத்தின் அருகே சஞ்சய் நகர். கோல்டன் நகர் பிரியும் பிரிவில் தெரு மின் விளக்கு ஒரு பக்கம் வெளிச்சத்துடனும் மறுபக்கம் இருட்டாகவும் இருந்த விளக்கு என அனைத்தும் பழுது பார்க்கப்பட்டு இப்போது பளீரென மின்னியது. இதனால் அப்பகுதி மக்கள் மிகுந்த மகிழ்ச்சி அடைந்தனர். மேலும் இதனை உடனடியாக சரி செய்த அதிகாரிகள் மற்றும் இதற்கு குரல் கொடுத்த சமூக ஆர்வலர் முன்னா மற்றும் அதற்கு உறுதுணையாக இருந்தவர்களுக்கு அப்பகுதி மக்கள் பாராட்டுக்கள் தெரிவித்தனர்.

குன்னத்தூர்:

சாதாரண கூட்டம் தலைவர் கொமாரசாமி தலைமையில் நடந்தது. செயலர் பாலசுப்பிரமணியம் முன்னிலை வகித்தார். கூட்டத்தில் நடந்த விவாதம் வருமாறு:

வெங்கடாசலம் (தி.மு.க.): 13-வது வார்டு மற்ற பகுதிகளான ராகவேந்திர மண்டப பகுதி, ஆண்டவர் குடியிருப்பு, சத்யா நகர், ஆதியூர் ரோடு ஆகிய பகுதிகளுக்கு சத்யா நகர் 30ஆயிரம் லிட்டர் தண்ணீர் தொட்டியில் இருந்து 3 நாட்களுக்கு ஒரு முறை தண்ணீர் வினியோகம் செய்யப்பட்டு வருகிறது. இந்த தொட்டியில் தண்ணீர் இல்லாத போது மாதம் 2 முறை மட்டும் மேல்நிலைப்பள்ளிமேடு தண்ணீர் தொட்டியில் இருந்து தண்ணீர் எடுக்கப்படுகிறது. 14-வது வார்டு தண்ணீர் தொட்டியில் மெயின் லைனில் இருந்து தண்ணீர் எடுக்கும் வசதி உள்ளது. ஆனால் சத்யா நகர் தொட்டியில் அவ்வளவு வசதிகள் இல்லை.ஆனால் 13-வது வார்டு பகுதிக்கு தினமும் தண்ணீர் வருவதாக பொய்யான தகவல்களை பரப்பி தண்ணீர் பற்றாகுறை ஏற்படுகிறது என்று சொல்லி குழாய் இணைப்பை துண்டிக்க பார்க்கிறார்கள். எனவே உரிய நடவடிக்கை எடுத்து வழக்கம் போல் தண்ணீர் வினியோகம் செய்ய வேண்டும்.

சரஸ்வதி (அ.தி.மு.க.):ஊத்துக்குளி ரோடு பஸ் நிலையத்தில் இருந்து என்.ஆர்.கே. பள்ளி வரை உள்ள சென்டர் மீடியேட்டர்களில் மின் விளக்குகள் அமைக்க வேண்டும். தலைவர் பேசும்போது , அனைத்து விடுபட்ட பகுதிகளுக்கும் தெருவிளக்குகள் அமைத்து தரப்படும். குடிநீர் வினியோகம் முறைப்படுத்தப்படும். அதற்கு அனைத்து மன்ற உறுப்பினர்களும் ஒத்துழைப்பு தர வேண்டும் என்றார்.

வடவள்ளி,

மருதமலை சுப்பிரமணிய சுவாமி கோவிலில் தைப்பூச திருவிழா வருகிற 29-ந் தேதி கொடியேற்றத்துடன் தொடங்குகிறது.

வருகிற 4-ந் தேதி தைப்பூச திருவிழா நடக்கிறது. அன்று காலை கோபூஜை செய்யப்பட்டு கோவில் நடை திறக்கப்படுகிறது.

அதனை தொடர்ந்து 16 வகை திரவியங்களால் சுவாமிக்கு சிறப்பு அபிஷேகம் செய்யப்படுகிறது. அதனை தொடர்ந்து சிறப்பு அலங்காரம் செய்யப்பட்டு மகாதீபாரதனையும் நடக்கிறது.

முன்மண்டபத்தில் உற்சவர் சிறப்பு அலங்காரத்தில் பக்தர்களுக்கு காட்சியளிப்பார். அதனை தொடர்ந்து தேரோட்டம் நடக்கிறது. 5-ந் தேதி திருக்கல்யாணம் நடைபெறுகிறது.தைப்பூச திருவிழாவை முன்னிட்டு, முன்னேற்பாடுகள் குறித்த ஆலோசனை கூட்டம் வடவள்ளி போலீஸ் துணை சூப்பிரண்டு அலுவலகத்தில் நடந்தது. கூட்டத்திற்கு பேரூர் சரக டி.எஸ்.பி.ராஜபாண்டியன் தலைமை தாங்கினார்.

கூட்டத்தில் மலைக்கோவிலுக்கு ஏராளமான பக்தர்கள் விடிய, விடிய பாத யாத்திரை சென்று வருகிறார்கள். இதனால் மலைப்படிக்கட்டுகள் முழுவதும் மின் விளக்குகள் அமைக்கவும் முடிவு செய்யப்பட்டுள்ளது.

இருசக்கர மற்றும் நான்கு சக்கர வாகனங்கள் மலைக்கோவிலுக்கு அனுமதிக்கப்படுவதில்லை என்றும் முடிவெடுக்கப்பட்டுள்ளது.

எனவே அனைத்து வாகனங்களளையும் அடிவாரத்தில் நிறுத்துவதற்காக அந்த பகுதியில் உள்ள தனியாருக்கு சொந்தமான 10 ஏக்கர் பரப்பளவில் நிலம் சுத்தப்படுத்தி தயார் செய்யப்பட்டுள்ளது.

பக்தர்கள் வசதிக்காக கோவில் நிர்வாகம் மற்றும் தனியார் சார்பில் 10க்கும் மேற்பட்ட இடங்களில் தற்காலிக தண்ணீர் தொட்டிகளும் அமைக்கப்பட உள்ளது. இதுதவிர 3 இடங்களில் மருத்துவ முகாமும் அமைக்கப்படுகிறது.

மேலும் உடல் உபாதைகள் கழிப்பதற்காக ஆங்காங்கே மொபைல் டாய்லெட்டும் அமைப்பது என கூட்டத்தில் முடிவு செய்யப்பட்டது.

இந்த கூட்டத்தில் நெடுஞ்சாலை துறை, தீயணைப்புத்துறை, வனத்துறை, சோமையம்பாளையம் ஊராட்சி செயலர், மருத்துவ துறை, மருதமலை கோவில் அதிகாரிகள், மருதமலை கவுன்சிலர், வடவள்ளி காவல் ஆய்வாளர், கிராம நிர்வாக அதிகாரி உள்ளிட்டவர்கள் பேரூர் சரக துணைக்கண்காணிப்பாளர் தலையில் நடைப்பெற்ற ஆலோசனை கூட்டத்தில் கலந்து கொண்டனர்.

ராணிப்பேட்டை:

ராணிப்பேட்டை-திருவண்ணாமலை மாவட்டங்களை இணைக்கும் பாலம் வாழைப்பந்தல் அருகே கடந்த 2 ஆண்டுகளுக்கு முன்பு கமண்டல நாகநதி ஆற்றின் குறுக்கே கட்டப்பட்டது.

இந்தப் பாலத்தின் வழியாக வாழைப்பந்தல் மன்னார்சாமி கோவிலுக்கு பக்தர்கள் செல்கின்றனர். பாலத்தில் மின் விளக்கு வசதி இல்லை. இரவில் பாலத்தின் மேலே பொதுமக்கள் செல்வதற்கு அச்சமாக உள்ளது.

இப்பாலத்தில் புதிதாக மின் விளக்குகள் அமைக்க அதிகாரிகள் நடவடிக்கை எடுக்க வேண்டும் என்று பொதுமக்கள் வலியுறுத்தி உள்ளனர்.

நாகப்பட்டினம்:

நாகப்பட்டினம் மாவட்டம் வேளாங்கண்ணியை அடுத்த தெற்குப்பொய்கைநல்லூர் கிராமத்தில் பழைமை வாய்ந்த புனித அந்தோணியார் ஆலயம் அமைந்துள்ளது. ஆலயத்தின் ஆண்டுப் பெருவிழா கடந்த 26ம் தேதி கொடியேற்றத்துடன் துவங்கி நடைபெற்றது. விழாவின் முக்கிய நிகழ்ச்சியான பெரிய திருத்தேர்பவனி நடைபெற்றது.

வேளாங்கண்ணி பேராலய பொருளாளர் உலகநாதன் தலைமையில் சிறப்பு திருப்பலி, கூட்டுப்பாடல் பிரார்த்தனை நடைபெற்றது. தொடர்ந்து, மின் விளக்குகளால் அலங்கரிக்கப்பட்ட சப்பரத்தில் மிக்கேல்சம்மனசு, அந்தோணியார், ஆரோக்கியமாதா உள்ளிட்ட சொரூபங்களை வேளாங்கண்ணி பேராலய அதிபர் இருதயராஜ் புனிதம் செய்து வைத்தார் தேர் முக்கிய வீதிகள் வழியாக வீதியுலா நடைபெற்றது. இதில் திரளான பக்தர்கள் கலந்து கொண்டனர்.

ராசிபுரம்:

ராசிபுரம் அருகே உள்ள நாமகிரிப்பேட்டை பேரூராட்சி மன்ற சாதாரண கூட்டம் பேரூராட்சி மன்ற கூடத்தில் நடந்தது. கூட்டத்திற்கு பேரூராட்சி தலைவர் சேரன் தலைமை தாங்கினார். துணைத்தலைவர் அன்ப ழகன், செயல் அலுவலர் பாலசுப்பிரமணியம் ஆகியோர் முன்னிலை வகித்தனர். இதில் மன்ற உறுப்பினர்கள், பேரூராட்சி அலுவலர்கள் கலந்து கொண்டனர்.

இந்த கூட்டத்தில் பேரூராட்சியில் உள்ள தெரு மின்விளக்குகள் அனைத்தையும் எல்.இ.டி மின்விளக்குகளாக மாற்றப்படும் எனவும், பேரூராட்சி பஸ் நிலை யத்தில் புதிதாக கடைகள் கட்டி வாடகைக்கு விடவும் தீர்மானம் நிறை வேற்றப்பட்டது. 8-வது வார்டு வேலவன் நகரில் புதிதாக அரசு மானியத்துடன் விளையாட்டு பூங்கா அமைக்கவும், பேரூ ராட்சிக்கு குடிநீர் கட்ட ணம், கடை வாடகை செலுத்தாதவர்களுக்கு நீதிமன்றத்தில் வழக்கு தொடர்ந்து தொகையை வசூலிக்கவும் தீர்மானம் நிறைவேற்றப்பட்டது. முடிவில் இளநிலை உதவியாளர் யோகேஸ்வரன் நன்றி கூறினார்.

உடுமலை:

உடுமலை ரெயில் நிலையத்தில் மின் விளக்குகள் எரியாததால், பயணிகள் பாதிக்கப்படுகின்றனர்.உடுமலை ரெயில் நிலையம் பிளாட் பார்ம் 1 மற்றும் 2 நடை பாதைகளில் இரவு நேரங்களில் மின் விளக்குகள் எரிவதில்லை. இதனால் பயணிகள், பொதுமக்கள் கடுமையாக பாதிக்கப்படுகின்றனர்.இங்கு வரும் பெண்கள், குழந்தைகள், இருட்டாக உள்ளதால், ஒரு வித அச்சத்துடன் வெளியில் வர வேண்டியுள்ளது. எனவே, மின் விளக்குகள் எரியவும், சமூக விரோத செயல்களை தடுக்கவும் ெரயில்வே துறை மற்றும் போலீசார் நடவடிக்கை எடுக்க வேண்டும், என தமிழக விவசாயிகள் பாதுகாப்பு சங்கம் சார்பில், ெரயில்வே துறை அதிகாரிகளுக்கு மனு அனுப்பி வைக்கப்பட்டுள்ளது.

கன்னியாகுமரி :

வில்லுக்குறி பேரூராட்சியின் சாதாரண கூட்டம் பேரூராட்சி தலைவர் விஜயலட்சுமி தலைமையில் நடந்தது. செயல் அலுவலர் லவுலின் மேபா, துணைத் தலைவர் ராமலிங்கம் ஆகியோர் முன்னிலை வகித்தனர்.

வில்லுகுறி பேரூராட்சியில் உள்ள மழைநீர் ஓடைகளில் கழிவுநீர் கலப்பதை தடுக்கும் வகையில் வீடுகள் தோறும் 100 சதம் உறுஞ்சு கிணறு அமைக்க வலியுறுத்துவது. நபார்டு வங்கி நிதி உதவியில் விவசாயிகள் விளைபொருளை சந்தைப்படுத்த வசதியாக தோட்டியோடு நங்கணை கால்வாயில் இருந்து அக்கினியாகுளம் வரை உள்ள மண்சாலையை தடுப்பு சுவர் அமைத்து தார்சாலை அமைக்க இருக்கும் பணி, மேலப்பள்ளம் தூவலாறின் குறுக்கே பாலம் அமைக்கும் பணி ஆகிய பணிகளை விரைந்து முடிக்க கேட்டுக்கொள்வது.

மாம்பழத்துறையாறு அணை தண்ணீரை குடிநீராக்கும் திட்டத்திற்கு பயன்படுத்த அனுமதிக்க வேண்டுவது. திருவனந்தபுரம் - நாகர்கோவில் தேசிய நெடுஞ்சாலை தோட்டியோடு சந்திப்பில் உயர் கோபுர மின்விளக்கு அமைப்பது உள்ளிட்ட தீர்மானங்கள் நிறைவேற்றப்பட்டன.

கவுன்சிலர்கள் சரிதா, சுதா, புஷ்பாகரன், எட்வர்ட்திலக், ஆன்சிலாவிஜிலியஸ், ஜோஸ்பின்புனிதா, சுப்பிரமணியபிள்ளை, ஸ்டான்லி, கிரிஜாம்பிகா ஆகியோர் கலந்து கலந்து கொண்டனர்.